夢(一)

可能因為很嬲, 所以發夢都依然嬲緊. 不過你真的非常好彩, 所以夢中有一代罪羔羊– 他. 夢中的他都是如常地氹氹氹, 因為我地要去你屋企做節, 所以佢不斷叫我起身, 我當然唔會理佢. 突然, 我想起其實他唔係一個好人, 而我應該同你一齊, 所以我決定扮到好嬲, 唔理佢講乜, 只係話要分手, 無耐性既佢決定自己去你屋企做節. 因為佢估計我都係同平時一樣, 講下就算. 佢當然無諗過, 呢個只係我趕佢出去唔俾佢再返黎既奸計.
但係有一樣野好重要, 就係佢拎住你部PSP. 所以我立即追出門口, 要佢俾番部機我, 佢為左啖氣, 當然立即比番部機我啦. 不過佢依然想氹番我, 所以又唔肯走, 又捉住我隻手唔俾我閉門. 情急之下, 我唯有用口咬住部PSP, 先可以將鎖鎖上.
我記得我話佢其實唔愛我, 我見佢係門口到係咁為自己辯護, 不過唔知點解, 我個眼罩自動變左耳塞, 所以我聽唔到佢講乜, 我個心只係好開心, 好想快d話你知, 我無俾佢搶左部PSP. 同埋我唔落得去你屋止做節….

醒左之後, 夢境成真, 不過主角變左係你. 你比佢多手好多, 係咁非禮我. 雖然我都係好嬲, 不過我又好想快d原諒你, 因為我想話你知我好叻, 同埋我覺得你氹人但又手多多, 口又臭, 其實幾好笑.

Advertisement